د مصنوعي ذهانت ډګر ته د قرآني ټولنې د واریدیدا ضرورت

ایکنا – مصنوعي ذهانت(آرټيفیشل اینټلیجنس) حوزې ته دد قرآني ټولنې  و اریدیدا ، نه یوازې یوه لوکس انتخاب دی، بلکې یوه تمدني اړتیا او تاریخي مسؤلیت دی.  چې که  له دغه فرصته ګټه پورته نه کړو،  نو نور به راشي او زمونږ خالي ځای به ډک کړي،البته  د قرآن د دودولو  لپاره نه ، بلکې د وحې له روح ورتیر  د هغه د بیا تفسیر لپاره. 

نن سبا هم علم په چټکۍ سره وده کوي او هم وخت تېریږي، او مونږ په یوه زړه راښکونکي بدلیدونکي زمانې کې ژوند کوو؛ په داسې  زمانې کې چې د پوهې سرحدونه په بې مخینې چټکئ  سره بدلیږي. مصنوعي ذهانت  نه یوازې یو ټیکنالوژیکي وسیله ده، بلکې یوه تمدن‌جوړوونکې او د بشر د راتلونکي ټاکونکې پدیده ده. لکه څنګه چې یو وخت د چاپ صنعت، برېښنا یا انټرنېټ د انساني اړیکو نظام بدل کړ، نن سبا مصنوعي ذهانت راغلي  څو د تعلیم او تربیې، اقتصاد، کلتور، دیني عمل او حتی د انسان فکري نظام بیا تعریف کړي. 

په دې منځومیان کې، یوه مهمه او بنسټیزه پوښتنه زمونږ مخې ته ده:  قرآني ټولنه د دغو تحولاتو په کوم ځای کې ولاړه ده؟ آیا د قرآن  مینه وال خلک، مفسران، حافظان، قاریان، څېړونکي او دیني فعالان، لکه د اسلامي تمدن په تیرو پرتمینو وختونو کې، له نوو ښکارندو  سره د علمي مخامخ کېدو په لومړي صف کې دي؟ که یوازې  ننداره کوونکي شوي چې د رامینځته شویو بهیرونو  په وړاندې په ځنډ سره غبرګون ښئي؟ 

دا لیکنه یو لنډ فرصت دی څو د قرآني ټولنې د مصنوعي ذهانت یا آرتيفیشل  انټلیجنس  په برخې کې د واریدیدا  اړتیا او بیړه روښانه کړي؛ هم د قرآن خدمت او د وحې معارفو د خپرولو لپاره د یو  استثنائي فرصت په توګه او هم د یوه خطر په توګه چې که غفلت وشي، کیدای شي د دیني مفاهیمو د انحراف لپاره زمینه برابره کړي. 

ولې باید د قرآني ټولنه مصنوعي ذهانت  ته پاملرنه وکړي؟

له علم سره همغږي، یوه قرآني دنده ده قرآن مونږ ته په کرتو د تفکر، تدبر او علم ترلاسه کولو بلنه راکړې ده. د مصنوعي ذهانت  یا هوش  په څېر بنسټیزو علمي تحولاتو ته بې‌پامي د «د هدایت لپاره علم زده کولو» له قرآني دندې څخه یو ډول غفلت دی. 

د معارفو د خپرولو لپاره هوښیارې وسیلې جوړول: د مصنوعي  هوش  په سمه کارونې سره کیدای شي داسې سافټ ویرونه جوړ شي چې د حفظ، قرائت، ژباړې، تفسیر، موضوعي تحلیل او حتی د قرآني شبهاتو د ځوابولو په برخې کې په پراخه او دقیق ډول پراختیا ومومي. 

د مفاهیمو د تحریف مخنیوی: که  قرآني متخصصین د ډیجیټل فضا او مصنوعي هوش په برخې کې د دیني محتوا په ډیزاین او تولید کې  شتون ونه لري، دا فضا به د هغو کسانو لاس ته ورشي چې ممکنه ده  علمي یا اخلاقي وړتیا ونه لري، او دا د قرآن د مفهومي سلامتۍ لپاره په ټیکنالوژیکي نړۍ کې یو جدي ګواښ وی.

د مصنوعي هوش  په برخې کې، د قرآني ټولنې فعاله واریدیدا یوازې یو ټیکنالوژیکي انتخاب نه دی؛ بلکې یوه دیني، کلتوري او تمدني اړتیا ده. لکه څنګه چې د مسلمانانو نسلونو له خپل نبوغ سره تمدن جوړ کړ، نن سبا هم دا فرصت شته چې د وحې په رڼا سره هوښیارې وسیلې د قرآني انسان د تربیې په لار کې وکاروو. 

که مونږ له دې فرصت څخه ګټه پورته نه کړو، نور به راشي او زمونږ خالي ځای به ډک کړي؛ البته  نه د قرآن د خپرولو لپاره، بلکې د وحې له روح څخه  ورتیر ،د هغه د بیا تفسیر لپاره. نو وخت رارسېدلی چې د قرآن خلک په راتلونکي میدان کې هم بیرغوال  واوسي او د مصنوعي ذهانت  په برخې کې په واریدیدا، چې نه یو لوکس انتخاب، بلکې یوه تمدني اړتیا او تاریخي مسؤلیت دی، د بشر د ودې او روښنائۍپه لار کې ګام پورته کړي. دا د فکر، زړه او قرآن د خلکو لپاره یوه مهمه او حیاتي دنده ده.

https://iqna.ir/fa/news/4284746